السلام عليكم ورحمه الله وبركاته
اعلنت شركه يوبي سوفت عن الجزء الجديد من السلسلة الأسطورية اساسن كريد اللعبة بتيجي تحت مسمي فال هالا يعني قاعة
المقتولين باللغة النوردية القديمة Valhöll، وهي عبارة عن قاعة ضخمة كبيرة جدا موجودة في العالم الآخر، بيروحلها الي مات في المعارك وبيعيشو فيها بسعادة ف ضيافة
أودين أب الآلهة.
بطل قصه لعبتنا النهارده هو " إيفور "
إيفور محارب وزعيم عشيرة الفايكنج وفي الإصدار ده من اللعبة ممكن تختار إيفور بالشخصه الي تحبهاهيبقي عندك القدره الكامله انك تتحكم ف
الشخصيه بكل التفاصيل المهمه اذا
كانت ف شكل الشخصيه او طريقه اللبس او حتي ف
نوع الشخصيه ذكر او انثي. ودي خاصيه كانت موجوده ف لعبه اساسنز كريد اوديسي والي كان فيها دور الشخصيتين واضح جدا ولكل شخصية منهم احداث خاصة بتعيشها ولكن في النسخه الجديده من اللعبه تقدر تلعب بأي شخصيه تحب ولكن مع عدم تغير ف اي جزء من القصه ومش متأكد بالظبت ان كان الموضوع ده
هيلاقي قبول عند معظم الناس بسبب ان كل بطل له شخصية مميزه عن البطل التاني وكل شخصيه ليها جوانب مهمه جدا بتأثر علي
القصه بطريقتها ولكن كل ده هنبدأ نتعرف عاليه بشكل مفصل مع صدور اللعبه .
القصه الي بتدور فيها احداث اللعبة
تدور أحداث Assassin's Creed Valhalla في إنجلترا في القرن التاسع ، بداية من سنه 873. بطلنا ساب النرويج وراح انجلترا عشان يبدأ حياة جديده هناك ، وإلي ممكن انها تكون حياة كويسه شويه ، ولكن انك تاخد اراضي جديده تسيطر عاليها مش سهل ابدأ. لأن في الحقبة دي من الزمن كان موجود ف انجلترا السكسونين، والي كانو مسيطرين تقريبا علي كل جزء من انجلترا واكيد مش هيبقي في اي ترحيب بغازي جديد جي يسيطرة علي ارضهم .في التاريخ الحقيقي ، غزت جيوش الفايكنج واحتلت معظم إنجلترا بين 860 و 900 بعد الميلاد ، لكن غارات أصغر كانت بتحصل قبل كده بزمن والملك ألفريد العظيم شخصية حقيقية ،وظهر في الفيديو وهو بيوصف الفايكنج علي انهم " همجين ومعندهمش ولا رحمه ولا دين وقال انهم بيدبحو ويقتلو بوحشيه" ولكن ده الي ظهر عكسه من جانب شخصيه بطلنا وكمل الملك ألفريد وختم علي جواب ورساله بان فيها انه هيحارب الفايكنج علي طريقتهم وده ملحوظه مهمه جدا بتدل علي ان صراع التيمبلير والأساسن لسه موجود وهو اساس لعبتنا الجديدة
طريقه اللعب
اللعبه هتعتمد في اساسها علي عناصر الrgb والعالم المفتوح زي النسخ الي فاتت ولكن ف النسخه دي هنشوف تطور كبير ف عناصر
ال rgb وقدرات الشخصيه ف القتال و كمان ف الأعداء الي
هتواجهم وهيبقي موجود اعداء صعب قتلهم وده الي ظهر ف المقطع التشويقي للعبه ولكن زي م احنا عارفين ان اي شخص موجود ف عالمنا له نقاط ضعف وده الي ظهر ف الفيديو لما ايفور ضرب المحارب السكسوني ب السيف ف ركبته و كمان
استمر القتال بينهم والمحارب السكسوني صلب الي ان جه دور الهيدن بلايد الي ظهرت في
اللعبه وحسمت المعركة لصالح بطلنا
واكد المخرج الرائع" اشرف اسماعيل "علي ان
" لو هتصنع لعبه الفايكنج لازم المعركة تكون حاسمه ووحشيه جدا "
وده الي ظهر بشكل واضح ف المعارك الموجوده ف
الفيديو
عناصر جديده ف
اللعبه
تم استبدال النسر الموجود ف الأجزاء السابقه " اوريجين و أوديسي" ب
الغراب
لأنه يعتبر تميمة الفايكنج
وممكن نشوف نفس دور النسر ف الأجزاء الي فاتت مع تعديلات بسيطه
ايفور عنده القدره علي اللعب بسلاحين ف نفس الوقت وده ميزه كويسه جدا
واللعبة ممكن منشوفش فيها نظام رفع المستوي التقليدي الي كان موجود ف الأجزاء
السابقة
اللعبة من تطويرشركه يوبي سوفت و اشرف عليها 4 استديوهات خاصه بالشركه اهمهم استوديوubisoft monterialواهم نقطه ف الموضوع ان الفريق القائم بتنفيذ
اللعبه مش فريق واحد بل فريقين وهما الي قامو بتنفيذ اجمل جزئين ف السلسله " اساسنز كريد اوريجنز مصر
القديمة وبلاك فلاج عصر القراصنه" يعني هنشوف لعبه ملحميه جميلة جدا.
إمكانيات تشغيل اللعبه لن تقل عن هذا المعدل
فيديو حلقة اساسنز كريد كاملة
إمكانيات تشغيل اللعبه لن تقل عن هذا المعدل
